Կայքում բոլոր հոդվածները գրված են իմ բառերով։ Հնարավոր են սխալներ, տեղ-տեղ ռուսա-անգլերեն արտահայտություններ: Հայեցի և գեղեցիկ հայերենով հոդվածներ բլոգից չսպասել, էս էտ տեղը չի😊:
Մաս առաջին
Նախ եկեք հասկանանք թե ինչ է գույքագրումը և ինչի համար է այն անհրաժեշտ🤔:
Գույքագրումը դա փաստացի Ձեր մոտ եղած ապրանքի, սպասքի, գույքի և այլնի համեմատումն է ծրագրում առկա տվյալների հետ ( իսկ ծրագրում եղած տվյալները Ձեր կատարած գնումների մուտքագրումն է, որից հաշվարկային և տեխնոլոգիական քարտերի, թափոնի, ջարդի և այլնի միջոցով դուրս գրում է կատարվում ) և առաջին հերթին դա անհրաժեշտ է, որպեսզի դուք կարողանաք օպտիմալացնել կազմակերպության շահույթը, նվազեցնել կազմակերպության ծախսերը և առհասարակ հասկանաք թե ինչ է կատարվում Ձեր բիզնեսի ներսում:
Ստացված տվյալները մուտքագրվում են հաշվապահական հաշվառման ծրագրում ( Եթե ունեք իհարկե, իսկ եթե չունեք ապպա մի խնայեք դրա վրա💸 և պարտադիր ներդրեք այն ) և համեմատվում են ապրանքների շարժի վերաբերյալ գրանցված տվյալների հետ։
Հիմնական հարցերը, որոնք առաջանում են գույքագրման վերաբերյալ՝
-Որքա՞ն հաճախ պետք է անցկացնել գույքագրում
Այս հարցը շատ ինդիվիդուալ է, և ուղղակիորեն կախված է հաստատության կոնցեպտից, ծավալից և շրջանառությունից, ամենաօպտիմալը դա՝
-Ամեն երկու շաբաթը մեկ հիմնական մթերքների հաշվառում ( կարող եք չանել )😏
-Ամեն ամիս՝ բոլոր ապրանքների հաշվառում ( պարտադիր )🧐
-Չպլանավորած հաշվառում ( անցկացնում է գույքագրողը, սեփականատերը կամ մենեջմենթից նշանակված այլ անձ ու սա նույն պես պարտադիր )🤨:
-Ո՞վ է անցկացնում գույքագրումը
Գույքագրում կարող է անցկացնել մենեջմենթից նշանակված ցանկացած անձ՝ բիզնեսի սեփականատեր, հաստատության մենեջեր, հենց գույքագրող ( եթե Ձեր հաշվապահության բաժնում ունեք նման մասնագետ ):
-Ինչու՞ անցկացնել գույքագրում
Սա ամենակարևոր հարցն է, որն իր մեջ պարունակում է պակասորդի և ավելցուկի պատճառների վերլուծությունը, որն էլ հետևաբար խոսում է այն մասին, թե որքա՞ն ճիշտ ենք դուք ու Ձեր հաստատությունը աշխատում:
Ամենասկզբից համոզվեք որ ձեր կերակուրների և խմիչքների հաշվարկա-տեխնոլոգիական քարտերը ճիշտ են կազմված ու ամբողջությամբ ճիշտ են մուտքագրված ծրագիր, այնուհետև ուշադրություն դարձրեք հաշվապահական հաշվառման համակարգին և համոզվեք արդյո՞ք բոլոր ապրանքները ճիշտ են մուտքագրված ծրագիր ( օրինակ պատահում է, որ ապրանքը գալիս է փաթեթներով, և տվյալ փաթեթի քաշը քիչ է քան մեկ կիլոգրամը իսկ մուտքագրողը պարզապես տվյալ ապրանքը իր արժեքով մուտքագրում է որպես կիլոգրամ ): Այստեղ դուք նաև կարող եք հասկանալ թե որքան գումար եք ուղղակի սառեցնում : Օրինակ, դուք կարող եք տեսնել որ առավելագույնը մեկ ամսվա ընթացքում Ձեր ռեստորանը օգտագործում է 5 կիլոգրամ պարմեզան պանիր, բայց Ձեր պահեստ/խոհանոց ամեն ամիս գնվում և մուտքագրվում է 10 կիլոգրամ պանիր, հետևաբար եթե Ձեր ռեստորանի ամեն ամսյա առավելագույն օգտագործած պանիրը 5 կիլոգրամ է, դուք այն ավել 5 կիլոգրամի գումարները պարզապես սառեցնում եք, որը բնականաբար կարող եք օգտագօրծել այլ գնումների կամ օրինակ պարտքերի համար ( Ու չասեք չունենք🤪: Այս նույն սկզբունքով նաև կարող եք հասկանալ ապրանքների ժամկետների հետ կապված բոլոր հարցերը:
Ի՞նչ անել գույքագրման արդյունքների հետ
Գույքագրումից հետո դուք կունենաք հաշվետվություններ, որոնք ցույց կտան իրական անհամապատասխանությունների առկայությունը ( ավելցուկ, պակասորդ, տեղաշարժ բաժինների մեջ, թափոն և այլն )։ Մարդիկ, ովքեր պատասխանատու են ձեր հաստատության գույքագրման համար, պետք է կարողանան արագ հասկանալ անհամապատասխանության պատճառը, և բացատրել դրանք: Մնացորդների բացասական կողմերն էլ, որպես կանոն, բաշխվում են տվյալ բաժինների պատասխանատու աշխատակիցների միջև և ազդում աշխատավարձի մակարդակի վրա սակայն այստեղ արդեն դուք եք որոշում ինչպես կազմակերպել այս հարցը, սա շատ նուրբ և ինդիվիդուալ մաս է, որը ուղղակիորեն կապված է Ձեր ընկերության գաղափարախոսության, մթնոլորտի, բիզնես կառուցվածքի ու այլ շատ հարցերի հետ:
Միշտ հիշեք, որ գույքագրումը գույքագրում է, բայց անհամապատասխանությունների վերլուծությունը մշտական և շատ կարևոր խնդիր է բիզնեսի ղեկավարի և սեփականատիրոջ համար։ Համակարգը պետք է մեկ անգամ կարգավորել, սովորեցնել անձնակազմին և մեկնարկել գործընթացը շարունակական հիմունքներով։
Շարունակելի...
